இந்த நொடி- இந்த நேரம் 

உன் வருகைக்காக காத்திருந்த

இந்த நொடியும்-நேரமும்

மிக வேகமாகவும்-மித வேகமாகவும் 

அமைதியற்று ஓடுவதை சற்றே நிதானப்படுத்தி

இப்பொழுது நின்று விட்டதை உணர்கிறேன்...

அவள் பிறந்துவிட்டாள்

விலை மதிப்பில்லா இந்த மூன்று கிலோ

அதிர்ஷ்ட புதையலின்

முதல் ஸ்பரிசம்  - அளவில்லா ஆச்சிர்யம்

முதல் அழுகை - இணையில்லா இசை

பிஞ்சு  உடல் அசைவுகள்  - ஒப்பில்லா ஓவியம்

உன் முதல் பார்வை - என் தேடலுக்கான தொடக்கம்

தொடக்கத்திற்கான விதை

இதுபோல் சிறந்த தருணம் வேறொன்றும் இருந்ததில்லை

இனிமேலும் இருக்குமா என தெரியவும்  விருப்பம் இல்லை

இந்த நொடி- இந்த நேரம்   

மீண்டும் புதிதாய்  நகர்வதை உணர்கிறேன்

அவளுக்காக !!!!

மனேஷ் .எல்